أنا بهرب م الدنيا ليكى
وبلقى رَحب الطريق
برتاح قدام عينيكى
ولو كمجرد صديق
على هامش حبنا الدافى
بلاقى كتير معانى
واحة لما بعانى
وفنارى فى ليل غميق
أمى ف وقت الخطر
ورفيقتى ف رحلة سفر
وبنتى اللى حطانى
دايما ف حيرة وحذر
على هامش حبنا الدافى
بشوف فيكى كتير
ملكة وانا الأسير
عدالة وأنا الطريد
قلب لطفل شريد
وأحيانا حلم عنيد
على هامش حبنا الدافى
بشوفك عجيبة سابعة
ومستحيلة رابعة
وان جيتى للحق قلبى
محتاج منك متابعة
هناك تعليق واحد:
جمده جدا ياعم رميو بس نفسى اشوفك بتحب بجد
إرسال تعليق