عالــم مكــــس
مكس بكسر الميم يا أخواننا اكسر الميم اوى
الجو اليومين دول غريب مش كده !! برد شديد
ــ نقدر نقول صقيع بلغة الارصاد الجوية ــ ومطر غزير
ايه اللى بيحصل ؟؟؟؟؟ مش عارف !!!
فى عز شهر ديسمبر كان الواحد حراااااااااان ومش لاقى شتا واستنيت يناير وبرضه خانى وخزلنى
زمان فى توقيتات نوفمبر وديسمبر ويناير كنت بدور على بقعة ضوء شمس ( حلوة بقعة دى على اعتبار اننا كنا فى نضافة أوى )
عشان استخبى من البرد مع احتفاظى بحبى الشديد جدا ليه وللحالة اللى بيخلينى فيها
ودايما ً كنت بحلم انى ابنى بيت صغيرفى منطقة اشجار ويكون فيه دفاية وكل يوم اقطع حبة حطب عشان الدفاية طبعا ً
لما كبرت كل ده اتغير مبقاش فيه شتا بيجى فى وقته واتضح لى ان مش بس الشتا اللى اصبح مش مظبوط فى مواعيده .
كل حاجة حوالينا بقت كده
أه صدقونى .... يعنى تبقى مثلاً متخرج من قسم لغة انجليزية تلاقى نفسك شغال شغلانه تانية لاتمت للانجليزى بصلة من قريب او من قريب برضه .
عالم مكس ومكس mix بالانجليزية يعنى يخلط او خليط حاجة ملخبطة ,,, يعنى على ما اتذكر سامحونى 10 سنين بقى .
تحب أنسانة وتبقوا متفقين فكريا وحاجات كده ,,, لكن يصدر فرمان اسرى انكوا لسه (( زغيرين )) وبالتالى تنحرم يا حبة عينى (( منيها ))
تبقى حارم نفسك من كل حاجة وحانى ضهر حضرتك على مكتبك وعمال تدح وتذاكر وكل يوم تسمع فى المدرسة ....
والمدرسين يقرصوك من خدودك ويقولولك ( شطورة يا واد )
ويضربوا الواد اللى جنبك على ايديه ورجليه لأنه (( سيس )) مش بيذاكر
وبعد كام سنة كده تلاقى الواد ده (السيس) مستربع فى عربية اوتوماتيك اللى بالريموت دى عارفينها !!
وحضرتك ماشى على رجليك ولابس اللى على الحبل وضارب شعرك جل من الرخيص ده ومتبت فى ايدك على فايل فيه كل ماتملك من شهادات تعليم وكورسات وو ووو وعمال تحلم بان شركة ميدل ايست لتسليم الطرود يمكن تقبلك وتخليك تشتغل فى قسم تسليم الطرود وتحلم برضه ان يمكن يجى يوم وتسلم طرد لحبيبتك القديمة
اللى قولنا عليها من كام سطر كده . وهوووووووووب عربية الواد الخيبان ـــ دراسياً فقط طبعا ــ
ترش عليك حبة ميه جامدين وتسمع ضحكة جاية من جوة العربية وتبص تلاقى برضه حبيبتك هى اللى راكبه معاه بتضحك على خيبتك طبعا
. عالم اييييييييييييييه ...؟؟؟ عالم مكس
كنت زمان أصر وأصمم وألح على المرحومة والدتى أنى عاوز أكل حته بطيخ فى يناير وتقولى (( يابنى مدارس ايه اللى بتروحها دى بس
ما قالولكش ان البطيخ ده فى الصيف بس )) دلوقتى البطيخ منور عند كل الفكاهنية مع اننا فى فبراير وتلاقينى مش باصص له .. عالم مكس
على فكرة لو فضلت أدى فى أمثلة مش هنخلص وانا ورايا شغل .. مالوش دعوة بدراستى طبعاً
ومن ضمن عالم مكس برضه .... المفروض دلوقتى اكون قاعد بكتب قصيدة فى الجو ده لكن مع ذلك قاعد بصدعكو بكلامى ده
مش قلتلكم عالم مكس
تفتكروا الواحد مش من الافضل يسيب العالم المكس ده ويروح عالم سمسم
مكس بكسر الميم يا أخواننا اكسر الميم اوى
الجو اليومين دول غريب مش كده !! برد شديد
ــ نقدر نقول صقيع بلغة الارصاد الجوية ــ ومطر غزير
ايه اللى بيحصل ؟؟؟؟؟ مش عارف !!!
فى عز شهر ديسمبر كان الواحد حراااااااااان ومش لاقى شتا واستنيت يناير وبرضه خانى وخزلنى
زمان فى توقيتات نوفمبر وديسمبر ويناير كنت بدور على بقعة ضوء شمس ( حلوة بقعة دى على اعتبار اننا كنا فى نضافة أوى )
عشان استخبى من البرد مع احتفاظى بحبى الشديد جدا ليه وللحالة اللى بيخلينى فيها
ودايما ً كنت بحلم انى ابنى بيت صغيرفى منطقة اشجار ويكون فيه دفاية وكل يوم اقطع حبة حطب عشان الدفاية طبعا ً
لما كبرت كل ده اتغير مبقاش فيه شتا بيجى فى وقته واتضح لى ان مش بس الشتا اللى اصبح مش مظبوط فى مواعيده .
كل حاجة حوالينا بقت كده
أه صدقونى .... يعنى تبقى مثلاً متخرج من قسم لغة انجليزية تلاقى نفسك شغال شغلانه تانية لاتمت للانجليزى بصلة من قريب او من قريب برضه .
عالم مكس ومكس mix بالانجليزية يعنى يخلط او خليط حاجة ملخبطة ,,, يعنى على ما اتذكر سامحونى 10 سنين بقى .
تحب أنسانة وتبقوا متفقين فكريا وحاجات كده ,,, لكن يصدر فرمان اسرى انكوا لسه (( زغيرين )) وبالتالى تنحرم يا حبة عينى (( منيها ))
تبقى حارم نفسك من كل حاجة وحانى ضهر حضرتك على مكتبك وعمال تدح وتذاكر وكل يوم تسمع فى المدرسة ....
والمدرسين يقرصوك من خدودك ويقولولك ( شطورة يا واد )
ويضربوا الواد اللى جنبك على ايديه ورجليه لأنه (( سيس )) مش بيذاكر
وبعد كام سنة كده تلاقى الواد ده (السيس) مستربع فى عربية اوتوماتيك اللى بالريموت دى عارفينها !!
وحضرتك ماشى على رجليك ولابس اللى على الحبل وضارب شعرك جل من الرخيص ده ومتبت فى ايدك على فايل فيه كل ماتملك من شهادات تعليم وكورسات وو ووو وعمال تحلم بان شركة ميدل ايست لتسليم الطرود يمكن تقبلك وتخليك تشتغل فى قسم تسليم الطرود وتحلم برضه ان يمكن يجى يوم وتسلم طرد لحبيبتك القديمة
اللى قولنا عليها من كام سطر كده . وهوووووووووب عربية الواد الخيبان ـــ دراسياً فقط طبعا ــ
ترش عليك حبة ميه جامدين وتسمع ضحكة جاية من جوة العربية وتبص تلاقى برضه حبيبتك هى اللى راكبه معاه بتضحك على خيبتك طبعا
. عالم اييييييييييييييه ...؟؟؟ عالم مكس
كنت زمان أصر وأصمم وألح على المرحومة والدتى أنى عاوز أكل حته بطيخ فى يناير وتقولى (( يابنى مدارس ايه اللى بتروحها دى بس
ما قالولكش ان البطيخ ده فى الصيف بس )) دلوقتى البطيخ منور عند كل الفكاهنية مع اننا فى فبراير وتلاقينى مش باصص له .. عالم مكس
على فكرة لو فضلت أدى فى أمثلة مش هنخلص وانا ورايا شغل .. مالوش دعوة بدراستى طبعاً
ومن ضمن عالم مكس برضه .... المفروض دلوقتى اكون قاعد بكتب قصيدة فى الجو ده لكن مع ذلك قاعد بصدعكو بكلامى ده
مش قلتلكم عالم مكس
تفتكروا الواحد مش من الافضل يسيب العالم المكس ده ويروح عالم سمسم
