انا يا حبيبتى لاكنت عالم ولا فيلسوف
ولا رحالة فى بلاد الله بطوف
بس معاكى ومنك اتعلمت كل شىء
اتعلمت معنى تانى للحروف
اللى كونت المرة دى لغة جديدة
متنطقتش على لسان بشر من مدة بعيدة
لغة وصل مابينا مافيهاش كلمة شريدة
كلماتها هما اتنين آهة وتنهيدة
بس بيهم بنقول اللى مابينا بدون كلام
وبيهم برضه بنتعاتب وقت الخصام
ومابينهم بيحلى بينا وقت الغرام
عرفت وياكى معنى تانى للبكا
مش مجرد دمع نازل يجرى من قلب اشتكا
ده ميه طاهرة تغسل الذنب المرير
لما عنك بعدت. بس اكتشفت انه مستحيل
.بحبك عرفت معنى الصبر الجميل
لما وقفت على بابك انا وقلبى العليل
نترجى كلمة ترجع كل اللى فات
مسحتى بايدك على جبينى
ومنحتينى صك الغفران
ورجعت تانى لجنتى... ونسيت معنى الهوان
ليست هناك تعليقات:
إرسال تعليق