أه ياانى

بعشقها وعشقانى ..وكلمة سرنا أه ياانى
يدوب ده لسه من كام يوم
وحركت كل وجدانى
فراشة اسمها الحركى
وشقية لما بتخطى
تحس بهمس سحر غريب
بيسرى بقوة فى كيانى
وبعشقها وعشقانى
بتضحك تضحك الدنيا
وبنسى همومى فى ثانية
ابص شمال وابص يمين
الاقيها كاتبة إهوانى
وبعشقها وعشقانى
بتزعل عاملة مأموصة
من زعلها أنا فى حوسة
أراضى , وأطبطب, وأدلع
ونرجع البسمة فى ثوانى
وبعشقها وعشقانى
بلمستها اطير مسافات
ونستنى كل اللى فات
بنسرق أحلى الأوقات
ونعود للأرض من تانى
وبعشقها وعشقانى
دى اميرة من الحواديت
حبيتها أيوة بالتأكيد
وليا حق لو أتغريت

سندريلا راجعة تهوانى
وبعشقها وعشقانى
بنلف فى الدنيا ضيوف
وزقزوقة بتشهد وتشوف
دى قصة خارج المألوف
اشتقتلها وواحشانى
وبعشقها وعشقانى وكلمة سرنا أأأأأأه يااااااااااااانى