أستاذ 365 ممكن كلمة ؟؟؟؟
من كام يوم كنت فى بنك من البنوك ــــ لالالا ماغتنيتش ولا حاجة كنت بدفع قسط بس ـــ دخلت البنك وعلى الباب استقبلنى موظف البنك وادانى ورقة مكتوب عليها رقم 191 ((تقريباً )) بصيت لها ... وفهمت أن 191 ده يبقى أنا .... أيوة أنا 191 بالنسبة للبنك النهارده ....يعنى لو موظف البنك نده فى الميكروفون وقال فين 191 ؟؟ لازم اقف واقول (( أفندم )) .... ولو ظهر رقم 191 على الشاشة الرقمية اللى فوق منه لازم أتحرك وأعرف أن ده نداء آلى ليا ..... لو عملت مشكلة هيقولوا رقم 191 عمل مشكلة .... ولو أتاخرت على الشباك هيقولوا ..أمال فين 191 ؟؟ وبقيت ابص للورقة واقول : لازم تبقى كويس يا 191 عشان عمو موظف البنك يقول ده 191 ده عميل تمام . ومتبصش كده ولا كده لحسن حد يقول شوفوا 191 ده عمال يبص لنا . بعد فترة ظهر 191 على الشاشة وجه نداء آلى بصوت أنسة بيقول ( عميل رقم 191 ) . وقفت كده وشديت نفسى واتجهت للشباك وقلت للموظف بكل اعتزاز ( أنا 191 ) .. أنجزت المهمة وخرجت ولا قيت نفسى بقول ........
الأرقام .... أنا فى دفتر المواليد رقم ..... أنا رقم 6 فى أخواتى .....وفى المدرسة رقم .... فى الامتحانات رقم جلوس .... فاكر لما كانوا يقولوا رقم 365 ترفع ايدك وتقول أيوة .. ... ورقمى 85.6 % فى الثانوية حدد مستقبلى .. ...... ولما كبرت بقيت رقم فى بطاقة حتى تلاقى كده فى الأوراق الرسمية
اسم الشخص : ............... بطاقة رقم :....................... الرقم لازق فيك على طول .
وعند اصحابك وحبابيك أنت رقم على تليفونهم .... حتى لما يظهر رقمك على موبايل حد منهم
بيبص للتليفون ويقول : ده فلا ن . أرقام سيدى أرقام .
ولما تروح تتقدم للمزغوده (( زى ما ماما الله يرحمها كانت بتقول على البنات )) اللى عاوز تتجوزها أبوها بيتنفخ كده ويقلك عندك كاااااام فى البنك ؟؟؟ وطالب طبعا منك رقم وهذا الرقم يا حلو هيحدد حاجات كتير .
والبنت تقول بقى لصاحبتها (( ختيبى جابلى بـ 20000 ألف جنيه شبكة وخدنا شقة فى الرحاب بـ 150000 ج و هنقضى 3 أيام فى شرم الشيخ لما نتجوز و ......................................... أرقام ))
وانت فى الميكروباص بتسمع السواق بيقول للولد اللى بيلم الأجرة :: فى مكان يا بنى .. ؟؟ شاور للنص جنيه ده ( يقصد طبعا شخص واقف مستنى الميكروباص ))
من كام يوم كنت فى بنك من البنوك ــــ لالالا ماغتنيتش ولا حاجة كنت بدفع قسط بس ـــ دخلت البنك وعلى الباب استقبلنى موظف البنك وادانى ورقة مكتوب عليها رقم 191 ((تقريباً )) بصيت لها ... وفهمت أن 191 ده يبقى أنا .... أيوة أنا 191 بالنسبة للبنك النهارده ....يعنى لو موظف البنك نده فى الميكروفون وقال فين 191 ؟؟ لازم اقف واقول (( أفندم )) .... ولو ظهر رقم 191 على الشاشة الرقمية اللى فوق منه لازم أتحرك وأعرف أن ده نداء آلى ليا ..... لو عملت مشكلة هيقولوا رقم 191 عمل مشكلة .... ولو أتاخرت على الشباك هيقولوا ..أمال فين 191 ؟؟ وبقيت ابص للورقة واقول : لازم تبقى كويس يا 191 عشان عمو موظف البنك يقول ده 191 ده عميل تمام . ومتبصش كده ولا كده لحسن حد يقول شوفوا 191 ده عمال يبص لنا . بعد فترة ظهر 191 على الشاشة وجه نداء آلى بصوت أنسة بيقول ( عميل رقم 191 ) . وقفت كده وشديت نفسى واتجهت للشباك وقلت للموظف بكل اعتزاز ( أنا 191 ) .. أنجزت المهمة وخرجت ولا قيت نفسى بقول ........
الأرقام .... أنا فى دفتر المواليد رقم ..... أنا رقم 6 فى أخواتى .....وفى المدرسة رقم .... فى الامتحانات رقم جلوس .... فاكر لما كانوا يقولوا رقم 365 ترفع ايدك وتقول أيوة .. ... ورقمى 85.6 % فى الثانوية حدد مستقبلى .. ...... ولما كبرت بقيت رقم فى بطاقة حتى تلاقى كده فى الأوراق الرسمية
اسم الشخص : ............... بطاقة رقم :....................... الرقم لازق فيك على طول .
وعند اصحابك وحبابيك أنت رقم على تليفونهم .... حتى لما يظهر رقمك على موبايل حد منهم
بيبص للتليفون ويقول : ده فلا ن . أرقام سيدى أرقام .
ولما تروح تتقدم للمزغوده (( زى ما ماما الله يرحمها كانت بتقول على البنات )) اللى عاوز تتجوزها أبوها بيتنفخ كده ويقلك عندك كاااااام فى البنك ؟؟؟ وطالب طبعا منك رقم وهذا الرقم يا حلو هيحدد حاجات كتير .
والبنت تقول بقى لصاحبتها (( ختيبى جابلى بـ 20000 ألف جنيه شبكة وخدنا شقة فى الرحاب بـ 150000 ج و هنقضى 3 أيام فى شرم الشيخ لما نتجوز و ......................................... أرقام ))
وانت فى الميكروباص بتسمع السواق بيقول للولد اللى بيلم الأجرة :: فى مكان يا بنى .. ؟؟ شاور للنص جنيه ده ( يقصد طبعا شخص واقف مستنى الميكروباص ))
وانت بتتفرج على أى ماتش .... تلاقى المعلق بيقول ... وماشى رقم 6 فلان واداها لرقم 9 فلان
ويا خسااااااااااااااااااااااااارة قطعها رقم 21 عند خط الـ 18 .
ووسط خناقة فى شارعنا تلاقى أب بيزعق لبنته بصوته كله ويقولها
تعرفى الرقم ده منين يا فاااااجرة ؟
وتعالوا بقى شوفوا الأرقام عملت اييييييييييييييييييييييه كمان
عاوز عروسة اتصل بـــــــــــــــ 0900 عاوز شقة اتصل بــــــــــــــــــــــــــ 0900 عاوز جهاز وفرش اتصل بــــــــــ 0900
عاوز عربية اتصل بـــــ0900 عاوز تصيف اتصل بــ0900 عاوز تشتغل اتصل بـــــــ 0900
عاوز تفسر حلم ... تحل مشاكلك ... تخس ... تزيد .... تنام ...ترغى ....تاكل .... تسافر .... تلبس ازاى .... اتصل بـــ 0900
حياتنا واحلامنا بقت مرتبطة برقم نضربه على التليفون يمكن يغير حاجة من واقعنا
ده احنا حتى كعالم اسمنا العالم الثالث 3 رقم يعنى .....
وفى النهاية احب اقلكم انى مبسوط خالص
رجعت أكتب بعد انقطاع حوالى 6 أشهر كتبت حوالى 4 قصايد و 2 مقال
و أرقام سيدى
ليست هناك تعليقات:
إرسال تعليق