اللى يصبر ينول

تظلمنى ليه يا زمن ؟
وأنا كنت ابن أصول
قبضت فيا كام تمن ؟
عشان الأندال منى تنول
تظلمنى وعارف همى ؟
وهان عليك دمعى ودمى
تظلمنى وما تستحى
ومن دفاترك ترضى انمحى
ماكان العشم يا زمن
عشرة السنين تزول
ربك كريم يا زمن
وبكره تيجى لحدايا
وبعلو صوتك يازمن تقول حقك عليا
عرفت قيمتك يا خلى
وحقك راجع وانا المسئول
وصدق اللى قابلينا و قالوا
بكره اللى يصبر ينول

**************************
**********
نصيحة : ياريت اللى يقراها يقراها صعيدى يعنى يعطش الجيم ويقول القاف جيم