أجمل عيد

عملت ايه يا جرجس فى العيد ؟
ودعت أخوك الشهيد ؟؟
ضحية العقل المريض
والفكر الجاهل العنيد

عملتى ايه يا مريم فى العيد ؟
لبستى أسود على خطيبك وحيد
ودموعك نزلت على فرش التنجيد

عملت ايه يا عم بطرس فى العيد ؟
زرت ابنك كيرلس فى مستشفى الصعيد
فطرت من صيامك ولا لسه
مالكش نفس تبقى سعيد

جرجس يا مريم يا عم بطرس
فيه وعد من ربنا اكيد
السما مفتوحة للشهدا
وأكاليل الفرح هتعوض حزنكم الشديد
ورغم كره البعض منهم
عيدنا هيبقى أجمل عيد

ومنهم اخوات لينا محبين
وفرحهم فرحنا وحزننا حزنهم
ودايما مترابطين و الايد فى الايد




الى كل اخواتنا وابائنا فى نجع حمادى :الرب يعزى خاطركم ولشهدا التعصب الاعمى نقول مبروك نعمة الشهادة والسما